Башҡортостан Башлығы Рөстәм Хәмитов Рөстәм Вәлиевте республика һаулыҡ һаҡлау министрының беренсе урынбаҫары итеп тәғәйенләне.

Рөстәм Фазыл улы Вәлиев 1967 йылда Туймазы районының Серафимовка ҡасабаһында тыуған. Хеҙмәт эшмә­кәрлеген 1989 йылда ашығыс медицина ярҙамы станцияһында санитар булып башлай. Артабан — Бәләбәй үҙәк ҡала дауаханаһында, Ғ. Ҡыуатов исемендәге республика клиник, Октябрьский ҡала­һының 2-се дауаханаларында табип, анестезиолог-реаниматолог. 2001 йылдан 2012 йылға тиклем Октябрьский ҡалаһындағы Һаулыҡ һаҡлау идара­лығында етәксе вазифалар башҡара. Әлегә тиклем Октябрьскийҙағы 1-се ҡала дауахана­һының баш табибы була.