Республика йортонда Башҡортостан Башлығы Рөстәм Хәмитов Төркиә Республикаһының Рәсәйҙәге Ғәҙәттән тыш һәм Тулы хоҡуҡлы илсеһе Өмөт Ярдым менән осрашты.

Фекер алышыуҙа ике яҡ өсөн дә әһә­миәтле булған темалар, сауҙа, иҡтисад, мәҙәниәт мәсьәләләре ҡаралды. Ғөмүмән, осрашыуҙың төп маҡсаты Рәсәй менән Төркиә араһындағы бәйләнештәрҙе нығы­тыу ине. Әле ике дәүләт араһындағы мөнәсәбәттәр йылдам үҫә.
– Яҡын киләсәккә бурыс — сауҙа әйлә­не­шен ике-өс тапҡырға арттырыу. Бының өсөн йылдам үҫерлек бәйләнештәр кәрәк. Мө­нәсәбәттәребеҙҙе киңәйтеү йәһәтенән ҡу­лай алымдарҙы ғәмәлгә индереү шарт, — тине төрөк илсеһе.