Баймаҡ районындағы ауыл биләмәһенең элекке башлығына ҡарата енәйәт эше ҡуҙғатылды. Ул вазифа вәкәләттәрен үҙ мәнфәғәтендә файҙаланыуҙа ғәйепләнә.

Тәфтиш хеҙмәткәрҙәре әй­теүенсә, муниципалитет етәксеһе 2012 йылдың ноябренән 2013 йылдың сен­тябренә тиклем хужалыҡ кенәгәһенән таныштарының ере булыу-булмауы тура­һындағы өҙөмтәләр әҙер­ләтеп, уларға ҡул ҡуйған. Ошо ялған документтар ни­ге­ҙен­дә граждандар милек хо­ҡуғын теркәгән. Шулай итеп, кадастр хаҡы 300 мең һум­лыҡ ер муниципаль ми­лектән законһыҙ күсерелгән. Суд ғәйепләнгән кешенең мөлкәтен ҡулға алған. Ер участ­калары ла кире ҡайтарылған.