Мейәс ҡалаһы башҡорттары ҡоролтайының башҡарма комитеты 2014 йылғы эшмәкәрлегенә йомғаҡ яһаны, алға бурыстар билдәләне.

“Ҡарға бутҡаһы”, “Әсә көнө” сараларын үткәреү, Нурғоян Шәймөхәмәтова етәкселегендә “Ағинәйҙәр” клубын ойоштороу, Интернетта үҙ сайттарын булдырыу хәстәре менән бер рәттән, әле “Һылыуҡай-2015” гүзәллек бәйгеһенә әҙерләнеүҙе лә дәррәү алып бара Мейәс ҡала­һындағы әүҙем милләт­тәштә­ребеҙ. “Ағинәйҙәр” клубы иһә балалар йортона үҫентеләр бүләк итергә, “Ҡатын-ҡыҙҙың оҫта ҡулдары” күргәҙмәһен ойошто­рорға, бөйөк мәғрифәтсе Мифтахетдин Аҡмулланың тыуған көнөнә арнап кисә үткәрергә лә өлгөрҙө.
Яңы йылда ла халҡыбыҙ мәнфәғәтендә ихлас эшләп, яңы уңыштарға өлгәшеү төп маҡсат итеп ҡуйылды.