“Роспотребнадзор” хеҙмәткәрҙәренә ресторандарҙы, магазин, аҙыҡ-түлек сәнәғәте предприятиеларын иҫкәртеүһеҙ тикшереү хоҡуғы бирелде. Әлегә тиклем, законға ярашлы, инспекторҙар үҙҙәренең сәфәре хаҡында кәмендә бер тәүлек алдан иҫкәртергә тейеш ине.

Ведомствоның яңы вәкәләттәре “Рәсәй Федерацияһының айырым закон акттарына ялған, контрафактлы, сифатһыҙ һәм тер­кәл­мәгән дарыуҙарҙың, медицина әйберҙәрәнең, биологик йәһәттән әүҙем өҫтәмәләрҙең әй­лә­нешенә ҡаршы эш итеү йәһәтенән үҙгәрештәр индереү тураһында”ғы Законға ҡул ҡуйыл­ғандан һуң, йәғни 23 ғинуарҙан ғәмәлгә инә. Инспекторҙар туҡланыу өлкәһе ойошмаларын пландан тыш тикшереүгә тотонасаҡ.
Билдәле булыуынса, был тармаҡта етеш­һеҙлектәр байтаҡ. Тикшереү үткәреү өсөн ҡулланыусыларҙың ялыу яҙыуы етә. “Роспот­ребнадзор”, “Росздравнадзор”, шулай уҡ Федераль таможня хеҙмәте етәкселәре тәртип боҙоуҙар тураһында эш ҡуҙғатыу вәкәләтенә эйә. Һуңғы ҡарарҙы суд ҡабул итә.