Быйыл Башҡортостанда уҡыусылар туған телде, республика тарихын һәм мәҙәниәтен элекке дәреслектәрҙән өйрәнәсәк. Төбәктәге авторҙар әҙерләгән яңы китаптарҙың береһе лә әлегә федераль ҡануниәт талаптарына яуап бирмәй. Дәүләт Йыйылышы — Ҡоролтайҙың Мәғариф, мәҙәниәт, спорт һәм йәштәр сәйәсәте комитеты ултырышында ошо турала һүҙ барҙы.

Әлегә тиклем Рә­сәйҙең һәр субъекты төбәк компоненты иҫәпкә алынған дәрес­лектәр сығарырға хоҡуҡлы ине. Мәғариф тураһындағы яңы федераль законға ярашлы, хәҙер тө­бәктәр төҙөгән теге йәки был дәреслек Мәскәүҙә мотлаҡ экспертиза үтергә тейеш. Ыңғай ҡарар сыға­рыл­ған осраҡта ғына ул дәреслек­тәрҙең федераль исемлегенә индерелә.
– Әле Татарстан менән Хакасия ғына ошо эште башҡара алған, — тине Комитет рәйесе Эльвира Айытҡолова. — Ту­ған тел һәм әҙәбиәт буйынса Татарстанда — 55, Хакасияла 10 дәреслек бар. Башҡорт­остандың Мәғариф ми­нистр­­лығы алдында ошо йә­һәттән аныҡ ғәмәлдәр алгоритмын төҙөү бурысы тора.
Нормативҡа ярашлы, мәға­риф учреждениеларында 2017 йылға тиклем генә иҫке дәреслектәр буйынса уҡыу рөхсәт ителә.