Барыбыҙға ла мәғлүм: 2015 йыл Рәсәйҙә, шулай уҡ республикабыҙҙа ла Әҙәбиәт йылы тип иғлан ителде. Ошо уңайҙан “Башҡортостан” гәзите яңы проекттар үткәреү маҡсаты менән яна. Иң тәүгеһе — күргәҙмә ойоштороу. Тик ул ябай түгел, ә үҙенсәлекле әҙәби мәлдәр сағылышы буласаҡ.
Гәзит уҡыусыларҙың шәхси альбомдарында Башҡортостан һәм Рәсәй әҙип­тәре менән төш­кән фотолар, моғайын, барҙыр. Тап ана шул һүрәттәрҙе ”Башҡортостан” гәзите ойошторған фотокүргәҙмәгә ебә­регеҙ. Бының өсөн фотоның ҡасан, ҡайҙа тө­шө­рөлгәнен теркәп, үҙегеҙ ха­ҡындағы мәғлү­мәтте күрһәтеп, беҙгә хат яҙығыҙ. Һүрәттәр хужаларына кире ҡайтарыласаҡ. Электрон варианттар ҙа ҡабул ителә.
Иң уңышлы, иң ҡыҙыҡлы­ларына күр­гәҙ­мәлә урын бире­ләсәк. Бәлки, тап һеҙҙең һүрәт Әҙәбиәт йылында “Башҡортостан” гә­зите редакцияһы майҙанын биҙәр. Әлбиттә, үҙенсәлекле, һи­рәк осраған рә­семдәргә өҫ­төнлөк биреләсәк. Хөрмәтле гәзит уҡыу­сы­лар, һеҙҙән ҡыҙыҡлы фотолар көтөп ҡалабыҙ!