Республика парламентының яҙғы сессияға эш программаһы 50-нән ашыу закон проектын үҙ эсенә ала. Дәүләт Йыйылышы — Ҡоролтай Рәйесе Константин Толкачев даими нигеҙҙә эшләгән депутаттар менән осрашыуҙа профилле комитеттарҙың эшмәкәрлек йүнәлештәрен билдәләне.

Ҡала төҙөлөшө, хоҡуҡ тәртибе һәм суд мәсьәләләре комитетына Административ хоҡуҡ боҙоуҙар тураһындағы кодексҡа һәм “Нотариат тураһында”ғы Законға үҙгәреш­тәр индереү бурысы йөкмәтелде. Урында­ғы үҙидара, граждандар йәмғиәте инс­ти­тут­тарын үҫтереү һәм киң мәғлүмәт саралары комитеты Һайлау тураһындағы Баш­ҡорт­остан Республикаһы кодексын һәм референдумдар тураһындағы айырым закон акттарын ҡараясаҡ. Урындағы үҙидара һәм муниципаль хеҙмәт мәсьәләләрен хоҡуҡи көйләүҙе камиллаштырыуға ла ҙур иғтибар биреләсәк. Константин Толкачев әйтеүен­сә, парламентарийҙар үҙ эшендә Башҡорт­остан Башлығының Дәүләт Йыйылышы – Ҡоролтайға Мөрәжәғәтнамәһенә нигеҙлә­нә­сәк.
Быйыл Бөйөк Ватан һуғышында Еңеү­ҙең 70 йыллығын билдәләйәсәкбеҙ. Бынан тыш, баш ҡалабыҙҙа ШОС һәм БРИКС саммиттары уҙғарыла. Республика парла­мен­тының 2015 йылғы эшмәкәрле­гендә ошо мөһим ваҡиғалар сағылыш табасаҡ.