Беҙҙең төбәктә “Тағараҡ” һәм “Йәшә, шыршы!” тигән акциялар ойошторолдо. Уларҙа уҡыусылар менән бергә өлкәндәр ҙә ҡатнаша.Тәүге акцияның маҡсаты – үҙенсәлекле тағараҡты ағасҡа элеп ҡуйып, унда ҡошсоҡтарҙы ҡыш буйына һәйбәт итеп ашатыу. Ошо хаҡта бәйән ителгән яҙма киләһе йылдың 15 апреленә ҡәҙәр Белорет районы, Рәүәт ауылы, “Көньяҡ Урал” ҡурсаулығы тигән адрес буйынса, йә иһә
[email protected] электрон почтаһына ҡабул ителә.
“Йәшә, шыршы!” акцияһы йылдағыса йәшел ҡупшыҡайҙарҙы һаҡлауға йүнәлтелгән. Балалар тәбиғәтте ҡурсалауға арналған һүрәттәр эшләп, йәнле хикәйәләр яҙып ярыша. Ижад емештәре үрҙә әйтелгән адрестар буйынса йыл да 31 декабргә тиклем ҡабул ителә.