Быйыл булдырылған “Ата-әсә фиҙакәрлеге” миҙалы менән республикаға дан килтергән, батырлыҡ ҡылған, фәнни, ижади, спорт йәки башҡа эшмәкәрлектә айырым ҡаҙаныштарға эйә булған бала тәрбиәләүсе ата-әсәләр (опекундар, попечителдәр, уллыҡҡа алыусылар) бүләкләнә.

Бынан тыш, ул өс һәм унан күберәк инвалид йәки алты һәм унан күберәк етем баланы тәрбиәгә алған кешеләргә тапшырыла. Наградаға тәҡдим ител­гән ата-әсә ғаилә ҡим­мәттәрен һәм йолаларын һаҡлап ҡалыуға, нығытыуға тос өлөш ин­дерергә, сәләмәт тормош алып барырға, бала тәрбиәләүҙә өлгө күрһәтергә тейеш. Миҙалды урындағы үҙидара органдары, хеҙмәт коллективтары йәки йәмәғәт берекмәләре юллай.
“Ата-әсә фиҙакәрлеге” ми­ҙалын йыл һайын 15 майҙа, Халыҡ-ара ғаилә көнөндә, тапшырыу күҙаллана.