Сочи ҡалаһында үткән XI Ҡышҡы Паралимпия уйындарында Рәсәй йыйылма командаһы составында Башҡортостандан биатлонсы һәм саңғысылар Азат Ҡарасурин, Кирилл Михайлов, Ирек Зарипов һәм Александр Давидович лайыҡлы сығыш яһаны.

Илдең, республиканың да­нын яҡлап көрәшкән батырҙарға Прези­денты­быҙ Рөстәм Хәмитов түбән­дәге тәбрикләү һүҙҙәрен еткерҙе:
“Рәсәй йыйылмаһы составында 19 яҡташыбыҙ сығыш яһаны. Уларҙың активында – шорт-трек буйынса ике Олимпия “алтын”ы, биатлонда һәм саңғы ярыштарында яуланған ете Паралимпия миҙалы. Һуңғыларының икеһе алтын, береһе көмөш һәм дүрте бронза. Һеҙ спорт һөйөүселәргә байрам кәйефе бүләк иттегеҙ, республика һәм бө­тә ил өсөн ватансылыҡ, ғорур­лыҡ тойғоларын күтә­реүгә тос өлөш индерҙегеҙ. Һәр еңеү – спорт­сының ғәйәт ҙур ҡаҙа­ны­шы, уның күп йыллыҡ хеҙ­мәте. Баш­ҡорт­остан үҙе­нең спорт традициялары ме­нән ғо­рур­лана ала.
Паралимпия уйындарын­да ҡатнашҡан һәм призлы урын яулаған атлеттар республика тарафынан ҡим­мәт­ле бүләк алып ҡыуанды.