Баш ҡаланың Киров районынан Юриндар ғаиләһе “Йәш ғаилә-2014” республика конкурсының Өфө этабында еңеп сығып, төп бүләкте — автомобилде яуланы.

Гөлнара менән Ми­хаил өс бала тәрбиәләй. Ҡыҙҙары Полина — мәктәптә уҡыһа, игеҙәктәр Демид менән Владиславҡа әле ни бары ике йәш. Ғаилә башлығы — компанияға, ә Гөлнара саралар ойош­тороу буйынса шәхси агентлыҡҡа етәкселек итә.
“Баш ҡаланың иң яҡшы ғаиләһе” исеменә бәйгелә Өфөләге ете райондан парҙар ҡатнашты. Конкурсанттар үҙ шәжәрәһен, ғаилә альбомынан мәҙәни йола­ларҙы, шөғөлдәрҙе, та­рихи үҙенсәлектәрҙе са­ғыл­дыр­ған фотолар тәҡдим итте. “Ғаилә ҡороу — үҙе бер сәнғәт” кон­курсында музыкаль сығышҡа, үҙең хаҡында бәйән итеүгә төп иғтибар бирелде. Йәш ҡатнашыусылар “Яңы быуын таланттары” ижади конкурсында сәхнә һәләтен, “Күмәкләгән — яу ҡайтарған” өйгә эшендә хореография, вокал, нәфис һүҙ, театр кеүек сәнғәт төрҙәрендәге маһирлығын күрһәтте.