Августың һуңғы аҙнаһында республикабыҙҙың төньяҡ-көнбайыш биләмәләре аша үткән дауыл Краснокама, Ҡалтасы һәм Яңауыл райондары ауылдарына ҙур ҡаза килтерҙе. Фажиғә һөҙөмтәһендә 500-гә яҡын шәхси йорт, төрлө тәғәйенләнештәге тиҫтәләгән торлаҡ-коммуналь, ауыл хужалығы һәм социаль объект етди зыян күрҙе, йөҙләгән ғаилә өй-ҡураһыҙ ҡалды.

Башҡортостан Президенты Рөс­тәм Хәмитов ваҡиға урынына иртә­гәһенә үк килде, тейешле хеҙмәттәр һәм тармаҡ ведомстволары вәкил­дәре, ҡаза күргән райондар етәксе­ләре менән кә­ңәшмә үткәреп, ғәрәсәт эҙемтә­ләрен бөтөрөү йү­нәлештәрен тикшерҙе. Йорт-ҡураһыҙ ҡалған халыҡты торлаҡ менән тәьмин итеүҙең тәғәйен ваҡыттары бил­дә­ләнде, респуб­ликаның төҙөлөш комплексы алды­на аныҡ бурыстар ҡу­йылды.
Дауыл уҙған ауылдар арта­банғы ике айҙа ысын мәғәнә­һендә ҙур төҙө­лөш майҙанына әүерелде. Бер нисә көн эсендә һәр торлаҡ, емерек­лек­тәрҙән һәм башҡа сүп-сарҙан таҙарты­лып, кәрәкле тикшереү үтте. Тө­ҙөк­ләндереүгә яраҡлыла­рында шунда уҡ тейешле эш йә­йел­дерелде. Ҙур ҡа­за күргән йорттар­ҙы тулы­һынса һү­теп, урынына яңыла­рын һал­ды­лар. Эшкә, урын­да­ғылар ме­нән бер рәттән, республи­ка­ның төр­лө тарафы­нан, күрше тө­бәк­­тәрҙән бай­таҡ ойошма йәлеп ител­де. Дөйөм бәлә эҙемтә­ләрен бөтө­рөүгә үҙ теләге ме­нән ҡушыл­ғандар ҙа күп булды.