Дәүләт Йыйылышы – Ҡоролтай йортонда республика парламентының көҙгө сессиялағы һуңғы пленар ултырышы үтте. Көн тәртибендә 30-ҙан ашыу закон проекты ҡаралды.

Төп яңылыҡ “Башҡортостан Республикаһы Башлығы тураһында”ғы закон проектына ҡағыла. Хәтерегеҙгә төшө­рәбеҙ: документ Дәүләт төҙөлөшө, хоҡуҡ тәртибе һәм суд мәсьәләләре буйынса комитет тарафынан әҙерләнгәйне. Закон проекты 27 ноябрҙә тәүге уҡыуҙа үтте. Депутаттар проектҡа тәҡдим ителгән ете төҙәтмәне хупланы, икенсе һәм өсөнсө уҡыуҙа норматив акт ҡабул итте. Закон проекты республика етәксеһе вазифаһының исемен үҙгәртеүгә бәйле Башҡортостан Республикаһы Башлығы эшмәкәрлегенең хоҡуҡи нигеҙҙәрен һәм гарантияларын билдәләй.
Бынан тыш, ултырышта “Башҡортостан Республика­һын­да патронат тәрбиә тураһында”, “Мәҙәниәт тураһында”ғы закондар һуңғы уҡыуға тәҡдим ителде. Депутаттар “Баш­ҡортостан Республикаһының баш ҡалаһы Өфөнөң статусы тура­һын­да”­ғы закон проектын бер юлы икенсе һәм өсөнсө уҡыуҙа ҡараны.