“Етем һәм ата-әсә ҡарауынан мәхрүм ҡалған балаларға социаль ярҙам буйынса өҫтәмә гарантиялар тураһында” Федераль законға Башҡортостан парламентарийҙары тәҡдим иткән үҙгәрештәр юридик көскә эйә булды. Рәсәй Президенты Владимир Путин ғәмәлдәге норматив актҡа үҙгәрештәр индереүҙе хуп­ланы.

Яңылыҡ мәшғүллек хеҙмәте органдарының етем һәм ата-әсә ҡарауынан мәхрүм балаларға һөнәри, өҫтәмә белем би­реү һәм уларҙы эш менән тәьмин итеү буйынса бурыстарҙы тормошҡа ашырыуын күҙаллай. Закон Дәүләт Думаһында 12 де­кабрҙә ҡабул ителде һәм Федерация Советы тарафынан 17 декабрҙә хупланды. Дәүләт Йыйылышы – Ҡоролтай Рә­йесе Константин Толкачевтың күрһәтмәһенә ярашлы, баш­лан­ғысты Федераль Йыйылыштың түбәнге палатаһында ҡарағанда республика парламенты исеменән Сәлиә Мырҙабаева сығыш яһай.