Башҡортостан умартасылыҡ һәм апитерапия ғилми-тикшеренеү үҙәге менән Ҡытайҙың “Йәшел тамыр” компанияһы араһында 3 миллиард һумлыҡ оҙайлы килешеү төҙөлдө.

Беҙҙән аласаҡ бал күләмен Ҡытай компанияһы билдә­ләйәсәк. Киле­шеүгә ярашлы, был илгә яҡынса 10 мең тонна татлы ризыҡ оҙатыласаҡ. Бынан тыш, республикабыҙ инә ҡорт һөтө, умартасылыҡ продукттары нигеҙендә етеш­терелгән косметика, аҙыҡ-түлек тә тәҡдим итә. Ҡытайға балдың тәүге партияһы апрелдә ебәреләсәк.