Колхоздарға уполномо­ченный тип аталған кешеләр һәр кампания ваҡытында килеп тула ине. Уңыш йыйыу осоронда бер вәкилде Әли­бай бабайымдарға фатирға ҡуялар.
Төшкө аш ваҡытында көслө ямғыр яуып, түбәнән һыу үтә башлай. Вәкил бабайҙан:
— Ниңә өйөңдөң башын япмайһың?— тип һорай.
Бабай аптырап ҡалмай:
— Бынау яуында ҡалайтып япмаҡ кәрәк,— ти.
— Аяҙ ваҡытта ябырға кәрәк ине.
— Ул ваҡытта һыу үтмәй бит,— тип яуап бирә бабайым.