Сара барышында республика үҙәге белгестәре СПИД-ты һәм йоғошло ауырыуҙарҙы иҫкәртеү, уларға ҡаршы көрәш буйынса лекциялар уҡыясаҡ, төплө мәғлүмәт бирәсәк. Шулай уҡ “Прорыв” документаль фильмын күрһәтеү, уны төшөргән төркөм менән осрашыу күҙаллана, рок-төркөмдөң концерты ойошторола.
Ошо көндәрҙә акция Белорет, Күмертау, Салауат, Стәрлетамаҡ ҡалаларында үтте. 1 декабрҙә ул Өфөлә, иртәгәһенә — Нефтекамала, 3-өндә Октябрьскийҙа була. Был ҡалалар осраҡлы һайланмаған, уларҙа ауырыуҙар күрһәткесе ярайһы уҡ юғары.
Бынан тыш, 21 – 28 ноябрҙә ВИЧ-ҡа тест үткәреү буйынса аҙналыҡ уҙа. Был осорҙа теләге булған һәр кем СПИД үҙәгенә килеп, бушлай тикшерелеү мөмкинлегенә эйә.