Фәрит Ғәбитов — республиканың иң әүҙем кино эшмәкәрҙәренең береһе булараҡ танылыу яулаған шәхес, ошо өлкәлә бай тәжрибә туплаған кеше.
Йыйылышта Союздың элекке рәйесе, кинорежиссер Айсыуаҡ Йомағолов башҡарылған эш тураһында отчет менән сығыш яһаны. Ул “Башҡортостан” киностудияһы менән берлектә үткәрелгән саралар, яңы фильмдарҙың исем туйын уҙғарыу, кино гастролдәре, республика ҡалаларында һәм сит төбәктәрҙә ижади осрашыуҙар хаҡында һөйләне.