Австралияның Брисбен ҡалаһында үткән ҙур 20 ил саммитында Рәсәй Президенты Владимир Путин БРИКС илдәре лидерҙарын киләһе йәй Өфөгә саҡырҙы.
— Барығыҙҙы ла 8 — 9 июлдә Өфөгә БРИКС саммитына саҡырам, — тине ул.
Владимир Путин әйтеүенсә, Рәсәй иҡтисади партнерлыҡ стратегияһы проекттарын һәм инвестиция хеҙмәттәшлегенең юл картаһын әҙерләй.
— Тырышлығыбыҙ берекмә сиктәрендәге хеҙмәттәшлекте артабан киңәйтеүгә йүнәлтелә, — тине Рәсәй Президенты.
Австралияла ҙур 20 ил етәкселәренең саммиты 15 — 16 ноябрҙә үтте. Унда донъя иҡтисадына янаған хәүеф мәсьәләләре тикшерелде.