Район хакимиәте башлығының ауыл хужалығы буйынса урынбаҫары Ришат Ғәзизов менән осрашҡанда, ул мөһим хәстәрҙәр менән яныуҙары хаҡында әйтте. Ваҡыты тығыҙ булыуға ҡарамаҫтан, унан тотош район буйынса мәғлүмәт алдыҡ. Шарандар 50 мең тоннаға яҡын ашлыҡты бураға һалған, иген культураларының гектар ҡеүәте 16 центнер тәшкил иткән. Һәр шартлы баш малға 30-ар центнер аҙыҡ берәмеге әҙерләнгән, 7 мең гектар майҙанға ужым сәскәндәр. Быйыл 30 миллион һумлыҡ
20 берәмек өр-яңы техника алынған, ғаилә малсылыҡ фермалары үҫеш юлында. Бына шундай ҡаҙаныштар һәм уңыштар менән ҡаршы алырға йыйына һөнәри байрамын уңғандар.
20 берәмек өр-яңы техника алынған, ғаилә малсылыҡ фермалары үҫеш юлында. Бына шундай ҡаҙаныштар һәм уңыштар менән ҡаршы алырға йыйына һөнәри байрамын уңғандар.
“Шаранагрогаз” асыҡ акционерҙар йәмғиәте лә һынатмай. Етәкселектең сәсеүлек майҙанын бер ҡасан да кәметеүгә юл ҡуйғаны юҡ. Дөйөм ауыл хужалығы ерҙәре – һигеҙ мең гектарҙан ашыу! Ә инде шуның яртыһы – баҫыуҙар. Малсылыҡ тармағын да үҫтерәләр. Тимәк, сабынлыҡ менән көтөүлек тә иркен.
Хужалыҡтың генераль директор урынбаҫары Иван Петров билдәләүенсә, күптән түгел һыйыр малын йәйге лагерҙан фермаға алып ҡайтҡандар. Ул егәрлеләрҙе һанап сыҡты. Мәҫәлән, ураҡта Игорь Храмов, Александр Стариков, Илья Пушкарев, ең һыҙғанып эшләгәнгә күрә, 60-ар мең һум эш хаҡы алып ҡыуанған. Быйыл бик яҡшы күрһәткестәргә өлгәшкән Ирина Сәхибгәрәева, Маруся Яманаева, Салауат Мөлөков, Рөстәм Ғарафутдиновтарҙың хеҙмәте лә премия менән билдәләнгән.
Урында торлаҡ мәсьәләһен төрлөсә хәл итәләр. Кемгәлер тулы хаҡтың яртыһы өсөн генә иҫәпләшеү бәхете йылмайһа, икенселәр иһә өлөшләтә түләп ота. Ә бына “Шаранагрогаз” асыҡ акционерҙар йәмғиәте Дмитриева Поляна ауылында махсус рәүештә йорт төҙөп, торлаҡҡа мохтаждарға биреп ҡуйған. Хәҙер бында тиҫтәгә яҡын хеҙмәткәр ғүмер итә.
– Эшселәргә йорт ҡалҡытыу – заман талабы, – ти Башҡортостандың атҡаҙанған ауыл хужалығы хеҙмәткәре, “Почет Билдәһе” һәм Халыҡтар дуҫлығы ордендары кавалеры, “Шаранагрогаз” йәмғиәтенең генераль директоры Тимерғәле Тимеркәев. – Беренсенән, ауыл йәшәһен, тормош йәнләнһен тиһәк, минеңсә, һәр етәксе ошо турала хәстәрлек күрергә бурыслы. Икенсенән, бындай алымды ҡулланыу эштең һөҙөмтәлелеген күпкә арттыра. Үҙ мөйөшөн булдырған бәхетлеләрҙең бер нисәүһе менән күрешеп һөйләшкәндә, барыһының да хужалыҡтың киләсәге өсөн яныуы, ғаиләһе өсөн тырышыуы күҙгә салынды. Мәҫәлән, ветеринар Гүзәл Мөхитова әйтеүенсә, йәшәгән урыны фермаға ныҡ яҡын, өҫтәүенә, заманса шарттар булдырылған. Шулай уҡ һауынсылар Фәйрүзә Хәйбуллина, Рита Морозова, водитель Азиф Зарипов, осеменатор Лилиә Шәнгәрәева, ветеринар-табиптар Валентин Танылбаев, Диана Иванова һәм башҡаларҙың һөйөнөсө йөҙөндә сағыла.
Әйткәндәй, хужалыҡ өс йөҙ тирәһе кешене эш урыны менән тәьмин иткән. Тимәк, уларҙың барыһы ла социаль йәһәттән яҡланған, етәкселектең хәстәрлеге менән солғап алынған. Хәҙерге ваҡытта был – иң мөһиме.