Баш ҡала хакимиәтендә Саха (Яҡут) еренән килгән ҡунаҡтар Өфө хакимиәте башлығы урынбаҫары Сынтимер Баязитов, идаралыҡ етәкселәре менән осрашты. Әлеге саралар тәжрибә уртаҡлашыуға йүнәлтелә. Күптән түгел генә Башҡортостан вәкилдәре Саха Республикаһында булып ҡайтҡайны.
Ҡунаҡтар Өфөләге гимназияларға, социаль хеҙмәтләндереү үҙәктәренә, Мәжит Ғафури исемендәге Башҡорт дәүләт академия драма театрына, Башҡортостандың Милли музейына, Үҙәк ҡала китапханаһына, Республика Хәрби дан музейына, Еңеү паркына һәм башҡа объекттарға барасаҡ.