Кисә Башҡортостанға эш сәфәре менән Рәсәй Хөкүмәте Рәйесе урынбаҫары Ольга Голодец килде. Аэропортта уны республика Президенты Рөстәм Хәмитов ҡаршы алды.
Ольга Голодец баш ҡалабыҙҙа М. Нестеров исемендәге Башҡорт дәүләт художество музейының яңы фонд һаҡлағысын, “Әсә һәм бала” клиник госпитален асыуҙа ҡатнашты. Вице-премьер шулай уҡ 39-сы гимназияла, Ғ. Ҡыуатов исемендәге республика клиник дауаханаһының акушерлыҡ-гинекология корпусында, Сипайлово биҫтәһендәге яңы 78-се балалар баҡсаһында һәм Өфө моторҙар эшләү берекмәһендә булды. Сәфәрҙең аҙағында Хөкүмәт йортонда эш кәңәшмәһе үтте.
Ольга Голодец баш ҡалабыҙҙа М. Нестеров исемендәге Башҡорт дәүләт художество музейының яңы фонд һаҡлағысын, “Әсә һәм бала” клиник госпитален асыуҙа ҡатнашты. Вице-премьер шулай уҡ 39-сы гимназияла, Ғ. Ҡыуатов исемендәге республика клиник дауаханаһының акушерлыҡ-гинекология корпусында, Сипайлово биҫтәһендәге яңы 78-се балалар баҡсаһында һәм Өфө моторҙар эшләү берекмәһендә булды. Сәфәрҙең аҙағында Хөкүмәт йортонда эш кәңәшмәһе үтте.
Рәсәй Хөкүмәтенең вице-премьеры республика Президенты Рөстәм Хәмитов менән берлектә белем биреү, медицина, мәҙәниәт учреждениелары буйлап йөрөнө. М. Нестеров исемендәге Башҡорт дәүләт художество музейының яңы бинаһын – фонд һаҡлағысты асыуҙа сығыш яһап, Ольга Юрьевна:
– Был һоҡланғыс йортҡа уҡыусылар ҙа, баш ҡала халҡы ла оло ҡыҙыҡһыныу менән килеренә, музейға ҡарата һөйөү тәрбиәләүгә хеҙмәткәрҙәр ҙә ҙур тырышлыҡ һалырына ышанам, – тине.
– Яңы бинаны асыу – күргәҙмә залдары, рәссам, скульпторҙарҙың әһәмиәтле эшмәкәрлеген яйға һалыуҙа тәүге аҙымдар. Киләсәктә лә ошо йүнәлештә бурыстар тормошҡа ашырыласаҡ, яңы объекттар төҙөләсәк, – тип билдәләне республика етәксеһе Рөстәм Хәмитов.
***
«Єсә һәм бала» компаниялар төркөмө илдә ҡатын-ҡыҙ сәләмәтлеген һаҡлау һәм педиатрия өлкәһендә иң алдынғыларҙың береһе булып тора. Өфөлә асылған бындай заманса, юғары технология- лы медицина учреждениеһы, Мәскәү ҡалаһы һәм өлкәһенән тыш, илдең бер төбәгендә лә юҡ. Шәхси инвестор 4,5 миллиард һум аҡса түгеп, ҙур медицина учреждениеһы төҙөткән һәм кәрәкле ҡорамалдар менән тәьмин иткән.
– Пациенттарға заманса бинала һәм уңайлы мөхиттә юғары технологиялы медицина ярҙамы күрһәтеләсәк, – тип белдерҙе Өфөләге «Єсә һәм бала» компаниялар төркөмөнөң генераль директоры Алһыу Нәзирова.
32 мең квадрат метрлыҡ майҙанда урынлашҡан бала табыу йортонда, ҡатын-ҡыҙ консультацияһында, балалар, ярҙамсы репродуктив технологиялар (ЭКО), диагностика, хирургия үҙәктәрендә, ашығыс ярҙам бүлексәһендә өлкән йәштәгеләргә һәм кескәйҙәргә медицина хеҙмәтләндереүе тәҡдим ителә. Өҫтәүенә түлһеҙлек һымаҡ проблемаларҙы хәл итергә лә, бөтә ғаилә ағзаларын дауаларға ла була.
Бында Мәскәү белгестәре лә эшләй. Мәҫәлән, госпиталдең баш табибы – билдәле акушер-гинеколог Борис Коноплев. Үҙебеҙҙең кадрҙарҙы әҙерләү маҡсатында йыл һайын Башҡорт дәүләт медицина университетын тамамлағандар клиник ординатураны үтеү өсөн Мәскәүгә ебәреләсәк. Унан һуң клиникаға эшкә ҡайтасаҡтар. Был учреждение асылыу һөҙөмтәһендә 800 яңы эш урыны булдырыла.
Єйткәндәй, 2009 йылда Өфөлә асылған беренсе «Әсә һәм бала» клиникаһы иһә эшен элеккесә репродуктив сәләмәтлек үҙәге булараҡ дауам итә.