Башҡортостан вәкилдәре бик матур әҙерлек менән килгәйне. Республикабыҙ стен­ды Ауыл хужалығы ҡаҙа­ныш­тары күргәҙмәһенең ур­та­һында урынлашҡан ине. “Пышка” предприятиеһы әҙерләгән күҙҙең яуын алырлыҡ “Мостай Кәрим”, “Урал батыр” торттары, Бәләбәй һөт комбинатының сырҙан эшләнгән “Баш­ҡортостан” гербы, “Дуҫлыҡ монументы” скульптураһы, “Рощинский” совхозы етеш­тер­гән колбаса, ит ри­зыҡ­та­ры, бал, “Алексеевка” совхозынан килте­рел­гән йә­шелсә, еләк-емеш — ба­рыһы ла күркәм залға йәм өҫтәп торҙо.
Беренсе көндә күргәҙ- мәгә Рәсәй Хөкүмәте Рәйесе Дмитрий Медведев ҙур баһа бирҙе. Илебеҙҙең төрлө төбә­генән килгән һәр вәкилгә Баш­ҡор­тостан күстәнәс­тәрен тәмләп ҡарарға ла, һатып алырға ла мөм­кинлек булды. Башҡорт балын күпләп алдылар, Көйөргәҙе районынан “Айытова” шәхси пред­при­ятие­һының йыл­ҡы итенән әҙерләгән ҡаҙы­һын сират тороп тәмлә­гәндәр байтаҡ ине. “Өфө” йыл­ҡысылыҡ заводы ҡымыҙын да яратып эсте ҡунаҡтар.