Башҡортостан Президенты Указы менән балалар һәм үҫмерҙәр өсөн әҙәбиәт, сәнғәт өлкәһендәге Һәҙиә Дәүләтшина исемендәге дәүләт премияһы буйынса комиссия составына үҙгәрештәр индерелде.

Хәҙер дәғүәселәрҙе 18 кеше баһалай. Улар — депутаттар корпусы, Хөкүмәт, йәмәғәт ойошмалары, киң мәғлүмәт саралары вәкилдәре. Комиссия рәйесе итеп республика Президенты Хакимиәте етәксеһе Сергей Молчанов тәғәйенләнде.
Һәҙиә Дәүләтшина исемендәге дәүләт премияһы, Башҡортостан Президенты Указына ярашлы, 2005 йылдың 5 авгусында булдырылғайны. Ул әҙәбиәт һәм сәнғәт әҫәрҙәре ярҙамында йәш быуынға рухи-әхлаҡи һәм патриотик тәрбиә биреүгә тос өлөш индергән өсөн тапшырыла.