Былтырғы I асыҡ республика турнирын гәзит уҡыусы­лары­быҙ хәтерләйҙер: ул Мәләүез ҡала­һында уҙғайны, һәм был ваҡиға тураһындағы репортаж гәзитебеҙҙең үткән йылғы 24 май һанында донъя күрҙе.
Сираттағы бәйге арҙаҡлы шәхе­себеҙ, донъяға танылған көрәшсе Харис Йосоповтың тыуыуына 85 йыл тулыуға арнала. Сараның маҡсаты – Баш­ҡорт­остан ҡалала­рында һәм райондарында милли кө­рәште киңерәк үҫте­реү һәм сәлә­мәт тормошто пропагандалау.
Раҫланған ҡағиҙә­ләргә яраш­лы, спортсылар дүрт категорияла – 70 кг, 80 кг, 90 кг һәм унан ар­тығыраҡ ауырлыҡ үлсә­мендә – сығыш яһаясаҡ.
Ярыш Арҡауылдың спорт комплексында иртәнге сәғәт 10-да башлана.
Салауат һәм Харис батырҙар төйәгенә рәхим итегеҙ, көрәшселәр!