Башҡортостан Хөкүмәтенең журналистика өлкәһендәге Шәһит Хоҙайбирҙин исемендәге республика премияһын тапшырыу тураһындағы бойороғона ҡул ҡуйылды.

Быйыл премия республикалағы социаль-иҡтисади үҫеш, йәш быуынды илһөйәрлек рухында тәрбиәләү мәсьәләләрен күтәргән мәҡәләләре өсөн “Молодежная газета”ның бүлек мөдире Людмила Кашаповаға, “Тарат әле моңһоу уйҙарымды” китабына ингән публицистик мәҡәләләр шәлкеме өсөн Сибайҙағы “Атайсал” гәзитенең баш мөхәррире Хәйҙәр Тапаҡовҡа, “Яҙмышым да, шатлығым да һин — ауыл” китабындағы публицистик мәҡәләләр шәлкеме өсөн “Кызыл таң” гәзитенең бүлек мөдире Олег Төхвәтуллинға бирелде.