Балалар һәм үҫмерҙәр спорт мәктәбендә район хакимиәте Рә­сәй­ҙең Дәүләт Думаһы депутаты Марсель Йосопов менән берлектә ойош­тор­ған сараның төп маҡсаты был төр көрәш менән шөғөлләнеү­се­ләрҙең оҫталығын арттырыу, мәк­тәп уҡыу­сы­ларын сәләмәт тормош алып барырға саҡырыу булды.
Ярышта 2000 – 2002 йылғы, әҙер­лектәре биш кюнан да кәм бул­ма­ған, тән ауырлығы 42 – 81 килограмм тәшкил иткән йәш спорт­сы­лар ҡатнашты. Улар араһында Күмер­тау, Салауат, Стәрлетамаҡ ҡала­ла­ры­нан, Дәүләкән, Ишембай ра­йон­дарынан үҫмерҙәр ҙә бар ине.