Район мәктәптәрендә Бөйөк Ватан һуғышында Еңеүҙең 70 йыллығына арналған “Геройға тиңләшеү” тигән пионер йыйындары булды.
Балалар һәм үҫмерҙәр берләшмәһе ағзалары Толя Шумов, Марат Казей, Лара Михеенко, Вася Коробко, Вилор Чекмак, Саша Бородулин, Юта Бондаровская, Витя Хоменко, Саша Чекалин, Володя Казначеев, Леня Голиков, Зина Портнова кеүек пионерҙарҙың тормошона байҡау яһаны, мәғлүмәт алды. Йәш быуында илһөйәрлек тәрбиәләү маҡсатында берләшмә координаторҙары араһында бәйге ойошторолдо.
Үҙенсәлекле сараларҙа ауыл биләмәһе хакимиәте ағзалары, ата-әсәләр, ветерандар ҙа әүҙем ҡатнашты, хәтирәләр менән уртаҡлашты.
Р. ҒИБӘҘУЛЛИНА,
мәғариф бүлеге методисы.