Атап әйткәндә, социаль әһәмиәтле тауарҙарға хаҡтың күтәрелеүен тотҡарлау, торлаҡ-коммуналь комплекстың эше, йылылыҡ, торлаҡ-коммуналь хужалыҡ хеҙмәттәренә тарифтарҙың артыуын компенсациялаған адреслы социаль түләүҙәр менән тәьмин итеү мәсьәләләре тикшерелде.
Рөстәм Хәмитов Хөкүмәт ағзалары алдына иҡтисадтың реаль секторы һәм бюджет өлкәһе хеҙмәткәрҙәренә эш хаҡын арттырыу йәһәтенән эште көсәйтергә ҡушты. Бынан тыш, киләһе йыл Өфөлә Шанхай хеҙмәттәшлек ойошмаһы ағзалары булған дәүләт башлыҡтары Советы ултырышын һәм БРИКС дәүләттәре, хөкүмәттәре башлыҡтарының осрашыуын үткәреүгә әҙерлектең көнүҙәк мәсьәләләре ҡаралды.