Республикабыҙ тәбиғәтенең гүзәллеге, байлығы хаҡында яҙырға яратҡан ҡыҙҙар Борай Балалар ижад йортоноң “Йәш хәбәрселәр” түңәрәгендә шөғөләнә.
ХI кластан Алина Юнысова менән туғыҙынсынан Розалия Дәүләтгәрәева “Йәшел планета” Рәсәй конкурсының төбәк этабында ҡатнашып, дипломант исеменә лайыҡ булды. Ғилми хеҙмәттәрендә улар тирә-яҡты һаҡлау, экология мәсьәләләре тураһында яҙа, тәбиғәттең ҡиммәтлеген һәм киләсәк быуындар өсөн мөһим икәнлеген асыҡлай.