(Люциә Урманшина, “Кем яуаплы?”,
2014 йыл, 19 август)

Ағиҙел йылғаһы аша бер ярҙан икен­сеһенә сығарыусы паромға бәйле етди проблемалар хаҡында яҙғайны автор. Ысынлап та, ярайһы ғына ҡыйралған, тросы өҙөлгән паром лагерға барған балалар өсөн айырыуса хәүеф тыуҙыра.

Рәсәй Ғәҙәттән тыш хәлдәр министр­лығының Башҡорт­остан буйынса идара­лығынан хәбәр итеүҙәренсә, “2003 йылдың 6 октябрендә ҡабул ителгән 131-се Федераль законға ярашлы, әлеге мәсьәлә ра­йон, ҡала етәкселеге ҡарамағында һәм улар­ҙың урындағы хеҙмәттәре аша хәл ителергә тейеш.
2006 йылдың 2 майында ҡабул ител­гән Федераль закон­дың 3-сө бүлегендәге 8-се статья буйынса, Люциә Урман­шинаның мөрәжәғәте Көйөргәҙе районы хакимиә­тенә тикшереүгә ебәрелде. Был мәсьәлә шулай уҡ Ғәҙәттән тыш хәлдәр ми­нистрлығының Төп идаралығы тарафынан күҙәтеүгә алынды”.