Башҡортостан Ауыл хужалығы ми­нистрлы­ғының матбуғат хеҙмәтенән алынған мәғлүмәт­тәргә ҡарағанда, 17 сентябргә шәкәр сөгөлдөрө план­тацияларының 7,5 мең гектарында сеймал сығарыу тамамланған. 203,8 мең тонна шәкәр сөгөлдөрө алынып, 75,3 мең тоннаһы Раевка, Шишмә, Мәләүез шәкәр заводтарына тапшы­рылған. Һәр гектарҙан уртаса 272 центнер уңыш алына. Әлшәй районында – 1,3 мең, Благоварҙа – 1000, Ҡырмыҫҡалыла – 900, Бүз­дәктә 700 гектар самаһы плантацияла уңыш алыу тамамланған.
Башҡортостандың алты райо­нын­да – Бөрйән, Ғафури, Ейәнсура, Йылайыр, Иглин, Федоровка – иген культу­раларын урып һуғыуҙы тамам­лағандар. Әлшәй, Дүртөйлө, Көйөр­гәҙе, Стәрлебаш, Шиш­мә, Шаран һәм башҡа район хужа­лыҡ­тары ла финишҡа яҡынлаша. Рес­пуб­лика буйынса иген культура­ларының 92 проценты йыйып алынған. Гектар ҡеүәте – 14,9 центнер, барлығы 2,4 миллион тоннанан ашыу уңыш йыйылған. Иң юғары күрһәткес Шишмә, Илеш, Стәрле­тамаҡ, Мәләүез, Саҡма­ғош райондарында – гектарынан 21,1 – 30,8 центнер.