Яңауыл һәм Краснокама райондарындағы дауыл эҙемтәләрен бөтөрөү буйынса оператив штабтан хәбәр итеүҙәренсә, төҙөкләндереү эше ғәҙәти режимда дауам итә.
15 сентябргә ҡарата алынған мәғлүмәттәргә ярашлы, тулыһынса емерелгән 45 йорт урынына яңылары һалына. Йәмғеһе 464 йортта төҙөкләндереү эше атҡарыла. 305 өйҙөң ҡыйығы алмаштырылған. Объекттарҙың барыһына ла төҙөлөш ойошмалары беркетелгән.