­Беҙ, матбуғат баҫмаларын даими ал­дырғандар, иртәрәк хәстәрләп өйрәнгән­беҙ инде. “Йәшлек”,”Йәншишмә”, “Урал” гә­зиттәре лә һәр саҡ өҫтәлемдә. Ә “Баш­ҡортостан” менән дуҫлығым хатта 60 йылдан ашып китте. Фәҡәт төп ­ин­декс­лыһын (50600) алдырам, сөнки унда фай­ҙалы мәғ­лүмәт, төплө һәм ҡыҙыҡлы мәҡәләләр күп. Гәзит биттәрендә элек-электән үҙем­дең дә мәҡәләләрем донъя күреп килә.
Һуңғы йылдарҙа баҫмаларҙың уҡым­лылығы артты. Хаҡтары күтәрелә, әлбиттә, әммә, ҡиммәтләнә тип, матди яҡты ғына уйлап, алдырмай ҡалырға тейеш түгелбеҙ. Әйткәндәй, хаҡ мәсьәләһендә редакция­ларҙың ғәйебе юҡ. Матбуғат дуҫтарының береһе булараҡ, милләттәштәрҙе яҙылыу кампанияһында әүҙемлек күрһәтергә са­ҡы­рам.