Ул нигеҙҙә йәштәргә иҫәпләнгән. Тәүлек әйләнәһенә эфирҙа башҡорт эстрадаһы яңылыҡтарын, төрки телле башҡарыусыларҙы тыңларға, йыр аша сәләм, ҡотлау ебәрергә мөмкин. Ҡулланыусылар яңылыҡтарҙы ла күҙәтә ала. Үҙе хаҡында белдерергә теләгәндәр өсөн “промо” системаһы эшләй. Бында йәш башҡарыусылар музыкаль һәләтен күрһәтеү мөмкинлегенә эйә.
Радио редакцияһы хеҙмәткәрҙәре әйтеүенсә, бер генә яҙма ла иғтибарһыҙ һәм яуапһыҙ ҡалмаясаҡ. Тиҙҙән каналдың сайтында йәш башҡарыусыларҙың фотогалереяһы, концерттарҙан репортаждар барлыҡҡа киләсәк. Форумда йәштәр өсөн ҡыҙыҡлы темалар буйынса фекер алышыу ойоштороласаҡ.