Республика Хөкүмәте ҡарамағындағы Шәһит Хоҙайбирҙин исемендәге премиялар буйынса комиссия 2014 йылға конкурста ҡатнашыу өсөн түбәндәге эштәрҙе һайлап алды:
1.Әмиров Сәйфулла Ғәҙи улы, Мәләүез ҡалаһы һәм районының “Көнгәк” гәзите мөхәррире. Һайлау системаһының тарихы тураһындағы материалдар шәлкеме өсөн.
2. Ишбулатова Гөлнур Азамат ҡыҙы, Баймаҡ телерадиотапшырыуҙар студияһы директоры. “Юлдаш” радиоһында “Атайсал” тапшырыуҙар циклын әҙерләгән өсөн.
3. Ишмөхәмәтова Галина Ғәзим ҡыҙы, “Уфа-ведомости” муниципаль бюджет учреждениеһының баш мөхәррире. Башҡортостан халыҡтарының милли мәҙәниәтен һәм дуҫлығын, республиканың социаль-иҡтисади үҫешен, хәҙерге йәмғиәттә тыныслыҡ һәм татыулыҡ мәсьәләләрен сағылдырған мәҡәләләре өсөн.
4. Кашапова Людмила Наиф ҡыҙы, “Молодежная газета” редакцияһының бүлек мөдире. Республиканың социаль-иҡтисади үҫеше, йәш быуынды илһөйәрлек рухында тәрбиәләү мәсьәләләрен күтәргән материалдар шәлкеме өсөн.
5. Нестеренко Юрий Григорьевич, Стәрлетамаҡ районының “Ауыл тормошо” гәзите редакцияһының фотохәбәрсеһе. Замандаштар тураһындағы фотоэштәр шәлкеме өсөн.
6. Тапаҡов Хәйҙәр Ниғәмәт улы, Сибай ҡалаһының “Атайсал” гәзите редакцияһы директоры (баш мөхәррире). “Тарат әле моңһоу уйҙарымды...” китабы өсөн.
7. Төхвәтуллин Олег Нәжип улы, “Кызыл таң” гәзите редакцияһының бүлек мөдире. “Шатлығым да, һағышым да һин — ауыл” китабы өсөн.
8. Фәйзрахманов Ринат Баян улы, “Республика Башкортостан” нәшриәт йортоноң махсус хәбәрсеһе. Иҡтисад мәсьәләләре тураһындағы очерктар шәлкеме өсөн.
9. “Понарама Башкортостана” журналы редакцияһының авторҙар коллективы: Аширов Наил Камил улы (директор-баш мөхәррир), Сәлихова Галина Георгиевна (баш мөхәррир урынбаҫары). Республиканың иҡтисади, социаль, мәҙәни тормошо тураһындағы мәҡәләләре өсөн.
Комиссия йәмәғәт ойошмаларын, хеҙмәт коллективтарын һәм айырым кешеләрҙе 2014 йылға Шәһит Хоҙайбирҙин исемендәге премияға тәҡдим ителгән эштәрҙе баһалауҙа ҡатнашырға саҡыра. Үҙ фекереңде, тәҡдимеңде һәм иҫкәрмәләреңде матбуғат биттәрендә, телевидение һәм радио тапшырыуҙарында йәки 450076, Өфө ҡалаһы, Октябрҙең 50 йыллығы урамы, 13, 10-сы ҡат, Башҡортостандың Журналистар союзы (телефон/факс: 276-42-66) адресы буйынса ебәрелгән хаттарҙа белдерергә мөмкин. Конкурста ҡатнашҡан эштәр 12 сентябргә тиклем ҡарала.