4 сентябрҙә Башҡортостан Республикаһының Үҙәк һайлау комиссияһы телефондан “тура бәйләнеш” үткәрә. Комиссия рәйесе Хәйҙәр Вәлиев 14 сентябрҙә берҙәм тауыш биреү көнөн үткәреүгә әҙерлек барышы тураһындағы һорауҙарға яуап бирәсәк.
Һайлаусылар 4 сентябрҙә иртәнге сәғәт 11-ҙән 12-гә тиклем күп каналлы 8-800-347-54-54 номеры буйынса бушлай шылтырата ала. Һорауҙарҙы 8 (347) 218-11-14 телефоны аша йәки “тура бәйләнеш” тигән тамға ҡуйып
[email protected] электрон адресына алдан уҡ ебәрергә мөмкин.
Хәйҙәр Вәлиевтең яуаптары республика гәзиттәрендә баҫылып сығасаҡ, Үҙәк һайлау комиссияһының сайтында ла (www.cikrb.ru) урынлаштырыласаҡ.