Башҡортостандың ауыл хужалығы министры Николай Коваленко фестивалгә арналған матбуғат конференцияһында ошо турала хәбәр итте.
– Сараның төп үҙенсәлеге — етештереүселәрҙең ҡулла­ныусылар, Өфө халҡы менән туранан-тура аралашыуы. Был айырыуса мөһим, сөнки сауҙа селтәрҙәренә бөтә предприятиелар ҙа үҙ тауарын сығармай. Мәҫәлән, әүәлге йәр­минкәләрҙән һуң Яңауыл һөт заводы танылыу яулап, уның ризыҡтары магазин кәштәләренән урын алды, — тине министр.
Быйыл фестиваль Европа карнавалы рухында үтәсәк. Төрлө майҙансыҡтарҙа күңел асыу саралары ойошторола, байрамға Өфөнән һәм күрше төбәктәрҙән режиссерҙар, артистар йәлеп ителә. Фестиваль сиктәрендә “Баш һөтсөнөң министрлығы” эшләйәсәк. Унда бер стакан һөт менән “Һөт иле” гражданының паспортын алырға мөмкин буласаҡ.
Байрамдағы һөтсөлөк фермаһы ла ҙур ҡыҙыҡһыныу тыу­ҙырырға тейеш. Һигеҙ тоҡомсолоҡ хужалығы һыйыр, кәзә, йылҡы малы алып киләсәк. Ҡунаҡтар уларҙы һауыу барышын күҙәтеп, йылы һөттән ауыҙ итеү мөмкинлегенә эйә буласаҡ.