Иман йортоноң урыны бынан дүрт йыл элек Башҡортостан мосолман­дарының Диниә назараты рәйесе мөф­төй Нур­мөхәмәт хәҙрәт Ниғмәтуллин тарафынан фатиха бирелеп билдәлән­гәйне. Мәсет Яугилде халҡының, шулай уҡ ситтә йәшәгән ауылдаштарыбыҙ Сә­ли­мов­тарҙың, Резбаевтарҙың, Сол­тан­мо­ра­товтарҙың, Әлмөхәмәтовтарҙың кө­сө менән ҡалҡып сыҡты. Төҙөлөшкә аҡса­лата ла, ҡул көсө менән дә ярҙам иткәндәрҙе һанап бөткөһөҙ. Һуңғы йыл ярым эсендә хеҙмәт хаҡын фәҡәт мәсет һалыуға тотонған Нәғим хәҙрәт Дәүләт­баевты айырып билдәләмәү мөмкин түгел. Ғөмүмән, иман йортон төҙөүгә өлөш индергән һәр кемдең исеме байрамда телгә алынасаҡ.
Күңеле менән һәр саҡ Яугилделә булған барлыҡ ауылдаштарҙы иртәгә сәғәт 12-лә башланасаҡ йыйынға саҡырабыҙ. Байрамға рәхим итегеҙ!