Республикабыҙ былтыр ил төбәктәрендә физкультура-спорт эшен иң яҡшы ойоштороуға арналған Бөтә Рәсәй смотр-конкурсында еңеүсе тип танылды. Икенсе урында — Калуга өлкәһе, өсөнсөлә — Краснодар крайы.
Әйткәндәй, республикабыҙ матди-техник база, адаптив физик культура һәм спорт, балалар-үҫмерҙәр спорты, ошо өлкәне финанслау кеүек күрһәткестәр буйынса икенсе йыл рәттән алдынғылыҡҡа өлгәшә. Төбәктәге һәр дүртенсе кеше физик культура һәм спорт менән шөғөлләнә. Башҡортостанда бының өсөн бөтә шарттар ҙа булдырылған, кадрҙар тәьминәте, башҡа эш аныҡ ойошторолған.
Был еңеү — бөтә Башҡортостандың ҡаҙанышы ул. Республиканың Йәштәр сәйәсәте һәм спорт министрлығы ошо айҡанлы спортты яратҡан, сәләмәт һәм әүҙем тормош алып барған кешеләрҙең барыһын да ихлас ҡотлай.