Бөгөнгө медицина тармағының торошо, төрлө программалар, закондар ҡабул ителеүенә ҡарамаҫтан, бар халыҡты ла ҡәнәғәтләндермәүен уҡыусыларыбыҙҙан килгән хаттарҙан, шылтыратыуҙарҙан, осрашыуҙарҙан яҡшы беләбеҙ. Ни өсөн табип менән пациент араһы алыҫлашҡандан-алыҫлаша, ә медицина түләүлегә әүерелә бара? Ҡулайлаштырыу еленә ышыҡланып, ФАП-тарҙың, дауаханаларҙың ябылыуынан кем отто? Ауырыуҙарҙың тармаҡҡа ҡарата ышанысын нисек ҡайтарырға?
27 августа сәғәт 11-ҙән 1-гә тиклем үткәреләсәк “Тура бәйләнеш”тә Рәсәй Дәүләт Думаһы депутаты, медицина фәндәре докторы Сәлиә Шәрифйән ҡыҙы Мырҙабаева гәзит уҡыусыларыбыҙҙы борсоған, тулҡынландырған һорауҙарға яуап бирәсәк.
Һорауҙарығыҙҙы алдан гәзиттең электрон почтаһына ([email protected]) ебәрә йәки 272-35-01 телефонына шылтыратып әйтә алаһығыҙ. Ә инде “Тура бәйләнеш” уҙғарылған көндә һәр кем Сәлиә Мырҙабаева менән ошо телефон аша аралаша ала: 272-75-30, 272-05-43.