Йәйҙең ҡыҙыу мәлендә мәктәбе­беҙҙә “Тиктормаҫтар” исемле көндөҙгө лагерь эшләне. Унда беҙҙе журналис­тика серҙәренә өйрәттеләр.
Лагерҙа һигеҙ отряд ойошторолдо. Һәр береһе ниндәйҙер редакцияның исемен алды, девиз, йыр уйлап тапты, мөйөш булдырҙы. Йәш журналистар өсөн райондың “Путь Октября” гәзите хеҙмәткәрҙәре төрлө ижади конкурс­тар, осрашыуҙар, “оҫталыҡ класы” ойошторҙо. Һәр “редакция”ға үҙ мә­ҡәлә­һендә айырым темаларҙы сағыл­дырыу бурысы ҡуйылды. Күмәкләп тыуған яҡты өйрәнеү музейына экс­курсияға ла барып килдек.
Спорт майҙансығында күңелле старт­тар, уйындар уҙҙы, кинотеатрға, бассейнға йөрөнөк. Асфальтҡа һүрәт төшөрөү конкурсы айырыуса күңелле үтте.
Шул уҡ ваҡытта уйнап ҡына йөрө­мәнек, ә эшләнек тә. Мәҫәлән, “Йәшел де­сант” акцияһында ағастарға һыу ҡойҙоҡ, тирә-яҡты сүп-сарҙан таҙарт­тыҡ, унда һәр бала ихлас ҡатнашты. Ашнаҡсылар иһә беҙҙе көн дә тәмле ризыҡ менән һыйланы.