Башҡортостандың көньяҡ-көнсығыш райондарындағы һайлау участкаларында тауыш биреү өсөн үтә күренмәле стационар һәм күсмә йәшниктәр ҡуйыла, тип хәбәр иттеләр республиканың Үҙәк һайлау комиссияһынан.

Федераль ҡануниәткә ярашлы, 2014 йылдан башлап бөтә һайлау участкалары Рәсәйҙең Үҙәк һайлау комиссияһы иҫәбенә ошондай йәшниктәр менән йыһазландырылырға тейеш. Сибайҙағы комиссияға стационар йәшниктәр ошо көндәрҙә килтерелде. Улар Әбйәлил, Баймаҡ, Йылайыр һәм Хәйбулла райондарындағы һайлау участкаларына ҡуйыла.