Беҙҙең Бәҙрәш ауыл Советына дүрт башҡорт ауылы ҡарай. Шулай булһа ла, быйыл ошо тарафтарға “Башҡортостан” гәзите бөтөнләй килмәй, йәғни республикабыҙҙың төп баҫма­һына бер кем дә яҙылмаған, хатта ауыл биләмәһе хакимиәте лә. Һорау тыуа: ниңә алдырмайҙар? Әллә аҡса яғынан ҡытлыҡмы? Ә мин сәбәбе тәрәндәрәк тип уйлайым, сөнки хакимиәт республиканың төп баҫмалары һаналған тағы ике гәзиткә яҙылырға аҡса тапҡан бит. Ә ниңә башҡорт гәзитенә аҡса юҡ? Матбуғатҡа яҙылыу буйынса килеп сыҡҡан был сәйер хәлдең сәбәбе ҡайҙа барып тоташа икәнлеген ныҡлап тикшерергә кәрәк тигән фекерҙәмен.