“Башҡортостанстат” мәғлүмәттәренә ҡарағанда, июнь айында республикала сәнәғәт етештереүе индексы былтырғы ошо уҡ осор менән сағыштырғанда 102,5 процент тәшкил иткән. Майҙа был күрһәткес уҙған йылға ҡарата 2,6 процентҡа артҡан.
Һуңғы алты ай һөҙөмтәләре буйынса, химия тармағында (112,4 процент), электр йыһаздары етештереүҙә (109), ағас эшкәртеүҙә (108,1), аҙыҡ-түлек өлкәһендә (105) алға китеш күҙәтелә.