Болондарҙа, сабынлыҡтарҙа эш ҡайнай: хужалыҡтар ҡышҡылыҡҡа дәррәү мал аҙығы әҙерләй.

Әлеге көнгә 24 райондағы 254 мең гектар майҙанда үләндең яртыһынан күберәге сабылған (45 процент). Был йәһәттән айырыуса Мәләүез, Стәрлетамаҡ, Саҡмағош райондары тырышып эшләй ( 83 – 89 процент). Әлшәй, Баҡалы, Мәләүез, Миәкә, Туймазы, Хәйбулла, Шаран яҡтары ла уларҙан ҡалышмаҫҡа тырыша. Сенаж һалыу буйынса Благовещен, Архангел, Бишбүләк, Дүртөйлө, Иглин райондары башҡаларға өлгө күрһәтә.
Дөйөм алғанда, бөгөн республикала 163 мең тонна бесән (22 процент), 492 мең тонна сенаж (23 процент) әҙерләнгән.