Интернетта башҡорт телендәге Bashkort.оrg (http://www.bashkort.org) эҙләү системаһы тест режимында эшләй башланы.
Сайтты төҙөүселәр ҡулланыусыларҙан уға тоташыуҙы һәм хаталар тураһында хәбәр итеүҙе һорай. Шулай уҡ Мәскәү дизайнеры Илдар Кинйәбулатов эшләгән башҡорт хәрефтәрен үҙегеҙгә күсерергә була.
Ошо көндәрҙә селтәрҙә “Башҡорт теленең терминология базаһы” (http://bаshterm.ru) донъя күрҙе. Уны Рәсәй Фәндәр академияһының Өфө ғилми үҙәгендәге Тарих, тел һәм әҙәбиәт институтының Лингвистика һәм мәғлүмәт технологияһы лабораторияһы туплаған. Унда астрономиянан алып тел ғилеменә тиклемге төрлө өлкәгә ҡараған терминдар ингән. Базаны урыҫса-башҡортса һүҙлек рәүешендә лә файҙаланырға мөмкин.