Башҡортостандың Мәғариф министрлығы Санкт-Петербург дәүләт университетына айырым маҡсатта ҡабул ителергә теләгәндәрҙе конкурс нигеҙендә һайлап ала.
Университет юриспруденция, шәрҡиәт һәм африканистика, халыҡ-ара мөнәсәбәттәр, лингвистика кеүек йүнәлештәр буйынса уҡырға тәҡдим итә. Маҡсатлы урындар исемлеге министрлыҡтың сайтындағы “Һөнәри белем” киҫәгендә урынлаштырылған. Конкурсҡа документтар дүшәмбенән кесе йомаға тиклем иртәнге сәғәт 10-дан киске 5-кә тиклем түбәндәге адрес буйынса ҡабул ителә: Өфө ҡалаһы, Театр урамы, 5/2, 217-се бүлмә.