Киләһе йылда беҙҙе 28 көнлөк түләүле “каникул” көтә. Ял 1 – 12 ғинуарҙағы Яңы йыл каникулынан башлана.
3 ғинуарҙағы ял көнөн йома, 9 ғинуарға, ә йәкшәмбе, 4 ғинуарҙағыһын дүшәмбе, 4 майға күсереү күҙаллана. Рәсәй Хөкүмәте Премьер-министры урынбаҫары Ольга Голодец рәйеслегендәге Социаль-хеҙмәт мөнәсәбәттәрен көйләү буйынса өс яҡлы комиссия киләһе йылға ил халҡының ял планын хупланы.
Шулай уҡ 21 – 23 февралдә, 7 – 9 мартта, 1 – 4 майҙа, 9 – 11 майҙа, 12 – 14 июндә, 4 ноябрҙә ял итәсәкбеҙ.
Дөйөм алғанда, профсоюз, эшҡыуарҙар һәм Хөкүмәт вәкилдәре киләһе йыл ял көндәрен күсереүҙе нығытҡан ҡарар проекты менән килеште. Был яңылыҡ ойошмаларҙа эш ваҡытын һөҙөмтәле итеп планлаштырыу өсөн кәрәк.